Convento San Diego de Canedo

Unha das representacións máis salientables do Barroco en Ponteareas atoparalo no Convento San Diego de Canedo, promovido pola orde franciscana e construído entre os anos 1715 e 1784. O edificio sufriu os avatares das loitas entre as familias nobres da comarca do Condado, os Soutomaior e os Sarmiento. Nel naceu Agustina Sarmiento, unha das meninas do cadro de Velázquez. Un edificio rexo, de liñas sobrias e poucos adornos que foi cedido á orde franciscana en 1715 polo Conde de Salvaterra para transformalo de pazo a convento.

Cando chegas a Canedo chama a atención as dimensións do conxunto, formado por unha igrexa pegada ao edificio residencial. O convento é unha construción de planta cuadrangular moi austera que está estruturada ao redor dun claustro central proxectado no século XVIII pero que sufriu unha gran reforma no século seguinte.

  • Como chegar: Estrada N-120 en dirección a Ourense
  • Visitas:
  • Público: Para todos os públicos
  • Mellor época do ano:

CONVENTO SAN DIEGO DE CANEDO

Contempla con detemento a igrexa, porque se te fixas, verás que ten forma de cruz e tres naves, con cúpula semiesférica sobre o cruceiro. Unha das peculiaridade arquitectónica de gran complexidade que aparece en moi poucas ocasións nas igrexas das dioceses de Tui. Foi construída en 1777 e presenta planta de cruz latina e tres bóvedas de canón. Posúe un cruceiro de planta cadrada con cúpula esférica con lanternas sobre pechinas. Continúa camiñando e entra no edificio. Non deixes de ver cara arriba, porque alí destaca a nave principal organizada en tramos e cuberta por nervaduras que conclúen nunha clave central e unha talla barroca de Cristo.

Do primeiro edificio do século XVI aínda se conservan as pedras dalgunhas paredes e a porta principal que serve de entrada á casa conventual. Se botas unha ollada aos muros do edificio descubrirás os Escudos das casas Sarmiento e Soutomaior. Pasea polo seus arredores e párate a contemplar as vistas que dende este punto hai do casco urbano, déixate invadir pola paz que se sinte neste lugar a poucos metros da vila.