Ruta dos Montes de San Cibrán (PR-G 132)

Se queres empaparte do noso legado etnográfico, esta é a túa ruta. Camiñarás entre construcións propias da nosa arquitectura tradicional por unha senda que pasa polos Muíños de Couso. Un dos vestixios mellor conservados das infraestruturas hidráulicas do noso pasado en Galicia. O camiño comeza no Alto do Confurco, na parroquia porriñesa de Cans e discorre polos montes de San Cibrán, na parroquia de Guláns e moi preto do concello veciño de Salceda de Caselas. No comezo da ruta atoparaste con varias pasarelas e escaleiras de madeira que axudarante a salvar o desnivel mentres rodeas o regato do Couso, que noutro tempo alimentaba aos muíños da Laxe.

A paisaxe irá mudando así como avances na ruta, a beleza da natureza mestúrase con viñedos, prados, campos de cultivo, fontes, lavadoiros e petos de ánimas ademais de pequenos núcleos de poboación que ofrecen unha panorámica da vida rural en Galicia. O percorrido remata na Área recreativa das Conforcadas. Se aínda tes forzas e ganas podes enlazar co Sendeiro das Greas (GR-58) e regresar ata o Alto de Cans.

Tramo lineal

Alto de Confurco

San Cibrán

 Montes comunales de San Xurxo

 Área recreativa das Conforcadas