Hai un lugar no Concello de Ponteareas dende onde podes ver dous países. Dende o Miradoiro de San Cibrán percibirás a grandeza do noso territorio. O Val do Tea, a Serra do Suído, os Montes de Portugal e o río Miño moldeando co seu discorrer o territorio. En días solleiros e cuns bos prismáticos, intuirás o Océano Atlántico.
Se xiras 160 graos, as montañas serán as protagonistas. Elevacións e máis elevacións cheas dun verdor intenso e ao fondo o casco urbano de Ponteareas.
Non terás dificultade para atopar a mellor vista e a mellor foto. Só tes que situarte no marco de formigón, orientado cara a saída do sol e dende el divisar a comarca do Condado e o río Tea.
Este tamén é un lugar privilexiado para contemplar o noso firmamento. O Miradoiro de San Cibrán de Guláns é un dos tres miradoiros pertencentes á rede de miradoiros do Condado-Paradanta, xunto ao Faro de Avión e San Nomedio.
A capela, os restos dun castro e o Penedo Pé de Porras, que forma unha especie de monumento megalítico, son outro dos atractivos deste cumio que en días de brétema fainos levitar sobre un manto de nubes.
- Como chegar:
- Visitas:
- Público: Para todos os públicos
- Mellor época do ano:
